தீப்பிடிக்கும் கட்டிடம்
தனித்தீவில் உல்லாசம்
அலவுதீன் விளக்கு என் கையில்
ராஜ உடையில் ரதத்தில் பவனி
பல சமயம் நானே ஹிட்லர்
சில சமயம் நானே கிருஷ்ணன்
அவ்வப்போது
கைக்கெட்டாத் தேவதைகளின்
உறவு..
எல்லா வக்கிரங்களுக்கும்
வடிகாலாய்,
பிச்சைப் பாத்திரமாய்
என் கனவுகள்.
காலை நேரத்து
கழிப்பறை சத்தங்களில்
கரைந்து போகின்றன
என் நேற்றைய கனவுகள்...
என்றாலும்,
சந்தோஷத்தோடே
தூங்கச் செல்கிறேன்,
இன்றைய கனவுகளை
எதிர்பார்த்துக் கொண்டு...
No comments:
Post a Comment